అక్షరటుడే, బాన్సువాడ: బాన్సువాడ నుంచి నిజామాబాద్ కి వెళ్లే ఆర్టీసీ ఎక్స్ప్రెస్ బస్సులో ప్రయాణికులకు విచిత్ర పరిస్థితి ఎదురైంది. టికెట్ ఇచ్చే కండక్టర్ లేక అందరికీ ఉచిత ప్రయాణం అనుకొని వదిలేశారు. పది కిలోమీటర్ల దూరం వరకు వెళ్లిన తర్వాత బస్సులో కండక్టర్ లేని విషయాన్ని గుర్తించారు. ప్రయాణికులు ఈ విషయాన్ని డ్రైవర్ కి తెలపడంతో బస్సును నస్రుల్లాబాద్ సమీపంలో నిలిపివేశారు. కండక్టర్ కోసం వాకబు చేసినా ఎలాంటి సమాచారం తెలియలేదు. అరగంట గడిచినా కండక్టర్ రాకపోవడంతో ప్రయాణికులంతా వేరే బస్సుల్లో వెళ్ళిపోయారు. ఈ ఘటనపై ఆర్టీసీ అధికారులు విచారణ చేపట్టారు.
