అక్షరటుడే, ఎల్లారెడ్డి: రోడ్డు ప్రమాదంలో గాయపడిన క్షతగాత్రులను ఆసుపత్రికి తరలించి ఎమ్మెల్యే జాజుల సురేందర్ మానవత్వాన్ని చాటుకున్నారు. ఎల్లారెడ్డి మండలం వెల్లుట్ల గ్రామానికి చెందిన హన్మండ్లు అతని మనుమరాలు అంకితను సోమవారం తాడ్వాయి హాస్టల్ కి తీసుకువెళ్తుండగా లింగంపేట్ సమీపంలో బైక్ ప్రమాదం జరిగింది. గాయాలపాలైన క్షతగాత్రులను అటువైపుగా వెళ్తున్న ఎమ్మెల్యే సురేందర్ తన కాన్వాయ్ వాహనంలో లింగంపేట్ ఆసుపత్రికి తరలించారు. ఆసుపత్రి వైద్యులతో మాట్లాడి బాధితులకు మెరుగైన చికిత్స అందించాలని సూచించారు. చికిత్స ఖర్చులు తానే భరిస్తానని చెప్పారు.
