అక్షరటుడే, నిజామాబాద్ రూరల్: ఇందల్వాయి టోల్ ప్లాజా వద్ద మంగళవారం ఓ లారీ భీభత్సం సృష్టించింది. అతివేగంగా దూసుకు వచ్చిన తమిళనాడుకు చెందిన కంటైనర్ లారీ టోల్ గేట్ వద్ద నిలిచి ఉన్న కారుని ఢీకొంది. ఈ ఘటనలో కారు పూర్తిగా ధ్వంసం కాగా.. అందులో ఉన్న ఇద్దరు ప్రాణాలతో బయటపడ్డారు. ఇందల్వాయి పోలీసులు కేసు నమోదు చేసుకొని దర్యాప్తు చేస్తున్నారు. లారీ డ్రైవర్ అతివేగంగా నడపడం వల్లే ఈ ప్రమాదం జరిగినట్లు పోలీసులు తెలిపారు.
