అక్షరటుడే, ఆర్మూర్: నందిపేట్ మండలంలో పెద్దమొత్తంలో గంజాయి పట్టుబడింది. మండల కేంద్రంలోని వివేకానంద చౌరస్తా వద్ద బుధవారం ఉదయం జరిపిన తనిఖీల్లో మూడున్నర కిలోల గంజాయిని సీజ్ చేశారు. ఇద్దరు వ్యక్తులు ద్విచక్ర వాహనంపై గంజాయిని తరలిస్తుండగా పట్టుకున్నట్లు సమాచారం. గంజాయి ఎవరు తరలిస్తున్నారు? ఎక్కడి నుంచి కొనుగోలు చేశారు అన్నది తేలాల్సి ఉంది. నందిపేట్ పోలీసులు కేసు నమోదు చేసుకుని దర్యాప్తు చేస్తున్నారు.
