అక్షరటుడే, నిజామాబాద్: జిల్లా కేంద్రంలో భారీగా అక్రమ ఆయుధాలు బయటపడ్డాయి. ఓ గోదాములో పీడీఎస్ బియ్యం ఉందనే సమాచారంతో మంగళవారం పోలీసులు తనిఖీలు జరిపారు. ఈ సమయంలో కత్తులు, తల్వార్లు, ఓ తుపాకీని స్వాధీనం చేసుకున్నారు. అక్రమ ఆయుధాలను చూసి కంగుతిన్న పోలీసులు వెంటనే ఉన్నతాధికారులకు సమాచారం ఇచ్చారు. బియ్యం దందా నడిపించే నిర్వాహకుడు మాలపల్లికి చెందిన మీర్ అంజద్ గా గుర్తించారు. నిందితుడిని పోలీసులు అదుపులోకి తీసుకున్నారు. ఇతడి తండ్రి మీర్జా ఖాసీం బేగ్ సైతం పాత నేరస్థుడు. గతంలో అనేక కేసుల్లో జైలుకు వెళ్లి వచ్చాడు. తీవ్రవాద కార్యకలాపాలకు పాల్పడుతున్నాడనే కారణంతో ఎన్ఐఏ అరెస్టు చేసింది
