మృతులు యూపీ వాసులు
అక్షరటుడే, వెబ్ డెస్క్: నిజామాబాద్ జిల్లా ఇందల్వాయి వద్ద ఘోర రోడ్డు ప్రమాదం జరిగింది. ఈ ఘటనలో నలుగురు మృతి చెందారు. మృతులంతా యూపీకి చెందిన వారిగా పోలీసులు తెలిపారు. 44వ నంబరు జాతీయ రహదారిపై శుక్రవారం రాత్రి ఓ వరి కోత యంత్రం రోడ్డుపై ఆగిపోగా.. భారీగా వాహనాలు నిలిచాయి. ఇదే సమయంలో యూపీ వైపు వెళ్తున్న బస్సు, ఓ లారీ ఢీకొన్నాయి. బస్సులో ఉన్న వారంతా కిందికి దిగారు. అదే సమయంలో వెనుకాల నుంచి వేగంగా వచ్చిన డీసీఎం వాహనం జనాల మీదికి దూసుకెళ్లింది. ఈ ప్రమాదంలో ఘటన స్థలంలోనే ఇద్దరు ప్రాణాలు కోల్పోయారు. మరో ఇద్దరు జిల్లా ఆసుపత్రిలో చికిత్స పొందుతూ మరణించారు. మృతులు ప్రదీప్, జీతు, దుర్గేష్ ప్రసాద్, గణేష్ గా పోలీసులు గుర్తించారు.
