అక్షరటుడే, నిజామాబాద్: మాజీ ఎమ్మెల్సీ ఆకుల లలిత నేడు తిరిగి కాంగ్రెస్ గూటికి చేరనున్నారు. భర్త రాఘవేందర్, ముఖ్య అనుచరులతో కలిసి ఆమె పెద్దపల్లికి వెళ్ళారు. నేడు అక్కడ రాహుల్ గాంధీ పర్యటన ఉంది. అక్కడే ఆకుల లలిత కాంగ్రెస్ కండువా కప్పుకోనున్నారు. తాజాగా బీఆర్ఎస్ కు రాజీనామా చేసి బయటకు వచ్చిన ఆకుల లలిత కాంగ్రెస్ చేరికపై ఉత్కంఠ నెలకొంది. ఈమె నిజామాబాద్ అర్బన్ టికెట్ ఆశిస్తుండగా.. ఇదే స్థానం నుంచి మాజీ మేయర్ సంజయ్, పిసిసి కార్యనిర్వాహక అధ్యక్షుడు మహేష్ కుమార్ టికెట్ కోసం పోటీ పడుతున్నారు.
