అక్షరటుడే, డిచ్పల్లి: నిజామాబాద్ శివారులోని ధర్మారం వద్ద శనివారం రాత్రి జరిగిన రోడ్డు ప్రమాదంలో ఇద్దరు మృతి చెందారు. నిజామాబాద్ కు ద్విచక్ర వాహనంపై వస్తున్న వారిని ఓ కారు వేగంగా ఢీకొంది. ఈ ఘటనలో నగరానికి చెందిన బాలాజీ(31) సంఘటన స్థలంలోనే ప్రాణాలు కోల్పోయాడు. వాహనంపై ఉన్న యువతి సుమలత(25) జిల్లా ఆసుపత్రికి తరలించగా అక్కడ మృతి చెందింది. డిచ్పల్లి పోలీసులు ఘటనపై వివరాలు ఆరా తీస్తున్నారు. కారులో వెళ్తున్న వారు మద్యం తాగుతున్నట్లు గుర్తించారు. మద్యం తాగి అతివేగంగా కారు తోలటమే ప్రమాదానికి కారణమని తెలుస్తోంది. మృతుడు బాలాజీ ఓ ప్రైవేటు బ్యాంకులో కలెక్షన్ బాయ్ గా పని చేస్తున్నట్లు సమాచారం. ప్రమాదం సమయంలో కారులో ముగ్గురు యువకులు ఉన్నారు.
