అక్షరటుడే, డిచ్పల్లి: పార్లమెంట్ ఎన్నికల ఏర్పాట్ల నేపథ్యంలో డిచ్పల్లి మండలంలోని సీఎంసీ కళాశాలను కలెక్టర్ రాజీవ్ గాంధీ హనుమంతు గురువారం పరిశీలించారు. ఎన్నికల నిర్వహణ కోసం కళాశాల భవనంలో ఉన్న సదుపాయాలపై ఆరా తీశారు. గత పార్లమెంట్ ఎన్నికల కౌంటింగ్ ఇక్కడే జరిగింది. త్వరలో జరిగే ఎన్నికల కౌంటింగ్ కూడా ఇక్కడే నిర్వహించాలని అధికారులు భావిస్తున్నారు. అదనపు కలెక్టర్లు చిత్రా మిశ్రా, యాదిరెడ్డి, ఆర్డివోలు రాజేంద్ర కుమార్, వినోద్ కుమార్ తదితరులు ఉన్నారు.
