అక్షరటుడే, నిజామాబాద్‌అర్బన్‌: నగరంలోని వివిధ ప్రాంతాల్లో శనివారం విద్యుత్‌ కోత విధించనున్నారు. కంఠేశ్వర్‌లోని న్యూ హౌసింగ్‌బోర్డు సబ్‌స్టేషన్‌ పరిధిలో ఉదయం 8 గంటల నుంచి సాయంత్రం 4 గంటల వరకు విద్యుత్‌ సరఫరాకు అంతరాయం కలుగనుంది. గంగాస్థాన్‌, కంఠేశ్వర్‌, న్యూ హౌసింగ్‌బోర్డు, చంద్రశేఖర్‌ కాలనీ, బైపాస్‌ రోడ్డు, విద్యుత్‌ నగర్‌, హోటల్‌ లహరి ఇంటర్నేషనల్‌, గూపన్‌పల్లి రోడ్డు తదితర ప్రాంతాల్లో విద్యుత్‌ కోత విధించనున్నారు. సబ్‌స్టేషన్‌ పరిధిలో మరమ్మతులు చేయనున్న నేపథ్యంలో కరెంట్‌ సరఫరాలో అంతరాయం ఏర్పడుతుందని ఏడీఈ టౌన్‌-2 తోట రాజశేఖర్‌ తెలిపారు.
