అక్షరటుడే, ఇందూరు: నగరంలోని దుబ్బ ఉపకేంద్రం పరిధిలో మంగళవారం విద్యుత్ అంతరాయం ఏర్పడనుందని ఏడీఈ తోట రాజశేఖర్ తెలిపారు. ఉదయం 10 నుంచి మధ్యాహ్నం 12:30 గంటల వరకు సంజీవయ్య కాలనీ, దుబ్బ, అంబేద్కర్ కాలనీ, శివాజీ చౌక్ ప్రాంతాల్లో కరెంటు కోత విధించనున్నట్లు పేర్కొన్నారు. అలాగే మిర్చి కాంపౌండ్ ఉపకేంద్రం పరిధిలో మధ్యాహ్నం ఒంటి గంట నుంచి సాయంత్రం 5.30 గంటల వరకు లలితా మహల్, శ్రద్ధానంద్ గంజ్, శివాజీ చౌక్, ఓల్డ్ విజయలక్ష్మి టాకీస్ ప్రాంతాల్లో విద్యుత్ సరఫరాలో అంతరాయం కలుగుతుందన్నారు. కావున వినియోగదారులు సహకరించాలని కోరారు.
