అక్షరటుడే, ఇందూరు: తెలంగాణ ఓపెన్ స్కూల్ సొసైటీ ఆధ్వర్యంలో పదో తరగతి, ఇంటర్లో ప్రవేశాలకు ఉమ్మడి జిల్లా నుంచి దరఖాస్తులను ఆహ్వానిస్తున్నట్లు జిల్లా విద్యాశాఖ అధికారి దుర్గాప్రసాద్ తెలిపారు. ఈ నెల 8 నుంచి సెప్టెంబర్ 10వ తేదీలోపు సాధారణ రుసుముతో ప్రవేశాలు పొందవచ్చన్నారు. సెప్టెంబర్ 11 నుంచి అక్టోబర్ 3వ తేదీలోపు అదనపు రుసుము చెల్లించి దరఖాస్తు చేసుకోవాలన్నారు. దరఖాస్తులను మీ సేవ, టీజీ ఆన్లైన్, ఓపెన్ స్కూల్ వెబ్సైట్లో సమర్పించాలని సూచించారు. ఇతర వివరాలకు ఉమ్మడి జిల్లా కో-ఆర్డినేటర్ రవీందర్ (800840 3518)ను సంప్రదించాలన్నారు.
