అక్షరటుడే, జుక్కల్: నిజాంసాగర్ మండలం నర్సింగ్రావుపల్లి గ్రామంలో విషాదం చోటు చేసుకుంది. ప్రమాదవశాత్తు చెరువులో పడి నంగి ప్రభాకర్(27) మృతి చెందాడు. ఆదివారం ఉదయం చెరువులో దిగిన యువకుడు ఈత రాకపోవడంతో నీటమునిగి మృతి చెందినట్లు స్థానికులు తెలిపారు. ఇటీవల చెరువులో చేపట్టిన మొరం తవ్వకాలతో భారీ గుంతలు ఏర్పడి ప్రమాదకరంగా మారిందని చెబుతున్నారు. ఘటనపై కేసు నమోదు చేసుకుని దర్యాప్తు చేస్తున్నట్లు ఎస్సై సుధాకర్ తెలిపారు.
