అక్షరటుడే, బోధన్‌: మున్సిపాలిటీలోని వార్డుల్లో నెలకొన్న సమస్యల పరిష్కారానికి కృషి చేస్తానని ఎమ్మెల్యే సుదర్శన్‌రెడ్డి అన్నారు. సోమవారం పట్టణంలోని పలు ప్రాంతాల్లో పర్యటించారు. ముందుగా శక్కర్‌నగర్‌లోని బస్తీ దవాఖానాను సందర్శించారు. సీజనల్‌ వ్యాధుల నేపథ్యంలో కాంగ్రెస్‌ పార్టీ ఆధ్వర్యంలో ఆస్పత్రికి ఉచితంగా మందులు అందజేశారు. వార్డుల్లో డ్రెయినేజీల నిర్మాణం కోసం నిధుల మంజూరుకు కృషి చేస్తానని, వర్షాలతో బురదమయంగా మారిన రోడ్లపై మొరంతో నింపి మరమ్మతులు చేయించేందుకు చర్యలు తీసుకుంటానని హామీ ఇచ్చారు. మున్సిపల్‌ పరిధిలో చెత్త సేకరణ వాహనాల మరమ్మతులు సైతం త్వరలో చేపడతామన్నారు. ఆయన వెంట ఆర్టీవో అంబదాస్‌ రాజేశ్వర్, కమిషనర్‌ వెంకట్‌ నారాయణ, స్థానిక నాయకులు ఉన్నారు.
