అక్షరటుడే, బాన్సువాడ: వర్ని మండలం సైదపూర్ గ్రామానికి చెందిన కేతావత్ పంగు(33) ఇంటిమేడపై బట్టలు తీసి మెట్లు దిగుతున్న సమయంలో ప్రమాదవశాత్తు కిందపడి మృతి చెందినట్లు ఎస్సై కృష్ణకుమార్ తెలిపారు. ఆదివారం రాత్రి ప్రమాదం జరగడంతో కుటుంబ సభ్యులు హుటాహుటిన నిజామాబాద్ ఆస్పత్రికి తరలించారు. చికిత్స పొందుతూ అర్ధరాత్రి మృతి చెందినట్లు తెలిపారు. మృతురాలి తల్లి ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్టు ఎస్సై పేర్కొన్నారు.
