అక్షరటుడే, బాన్సువాడ: త్వరలో జరిగే యువజన కాంగ్రెస్‌ ఎన్నికలను ప్రతిష్టాత్మకంగా తీసుకోవాలని ఆగ్రో ఇండస్ట్రీస్‌ చైర్మన్‌ కాసుల బాల్ రాజ్ అన్నారు. శుక్రవారం పట్టణంలో కాంగ్రెస్‌ పట్టణ, మండల యువజన విభాగం ఆధ్వర్యంలో ఎన్నికలపై అవగాహన కల్పించారు. సీనియర్‌ నాయకులు అంజిరెడ్డి, నార్ల సురేష్, కృష్ణరెడ్డి, ఎజాజ్‌ ఎన్నికలు జరిగే తీరుపై వివరించారు. పట్టణ, మండల పరిధిలోని 18–35 ఏళ్ల యువతీ, యువకులు ఎన్నికల్లో పాల్గొనేలా ప్రోత్సహించాలన్నారు. కార్యక్రమంలో నాయకులు ఖలేఖ్, మోహన్‌ నాయక్, దాసరి శ్రీనివాస్‌ తదితరులు పాల్గొన్నారు.
