అక్షరటుడే, బాన్సువాడ: కోటగిరి వ్యవసాయ మార్కెట్ కమిటీ పాలకవర్గ సభ్యులు ప్రభుత్వ వ్యవసాయ సలహాదారు, ఎమ్మెల్యే పోచారం శ్రీనివాస్ రెడ్డి సమక్షంలో సోమవారం ప్రమాణస్వీకారం చేశారు. ఛైర్మన్ గా గైక్వాడ్ హన్మంతు, వైస్ ఛైర్మన్ గా అనిల్ కుమార్, డైరెక్టర్లు బాధ్యతలు చేపట్టారు. ఈ సందర్భంగా పోచారం మాట్లాడుతూ.. నియోజకవర్గ అభివృద్ధి కోసం తాను పార్టీ మారనన్నారు. నిలిచిపోయిన ఎన్నో అభివృద్ధి పనులు ముందుకు తీసుకెళ్లేందుకు పార్టీ మారాల్సి వచ్చిందన్నారు. నూతనంగా ఎన్నికైన మార్కెట్ కమిటీ సభ్యులు రైతులకు అందుబాటులో ఉండాలన్నారు. కార్యక్రమంలో ఆగ్రో ఇండస్ట్రీస్ ఛైర్మన్ కాసుల బాలరాజ్, నాయకులు, కార్యకర్తలు పాల్గొన్నారు.
