అక్షరటుడే, నిజామాబాద్‌ సిటీ: రైలు ఢీకొని గుర్తు తెలియని వ్యక్తి మృతి చెందిన ఘటన నిజామాబాద్‌ రైల్వే స్టేషన్‌ సమీపంలో ఆదివారం ఉదయం చోటుచేసుకుంది. రైల్వే ఎస్సై సాయిరెడ్డి తెలిపిన వివరాల ప్రకారం.. గుర్తు తెలియని వ్యక్తి పట్టాలు దాటుతుండగా రైలు ఢీకొని మృతి చెందాడు. మృతుడి దగ్గర వెతకగా బాన్సువాడ నుంచి నిజామాబాద్‌కు వచ్చిన బస్సు టికెట్‌ లభ్యమయింది. అతని చెయ్యిపై ఆర్‌ఆర్‌ఆర్‌ అనే పచ్చబొట్టు ఉంది. మృతుడి వివరాలు తెలిసిన వారు రైల్వే ఎస్సై 8712658591 నంబర్‌కు సమాచారం ఇవ్వాలని కోరారు.
