అక్షరటుడే, వెబ్‌డెస్క్‌: నగరంలోని బిర్యానీ దర్బార్‌ ఫ్యామిలీ రెస్టారెంట్‌లో బిర్యానీ తినేందుకు వచ్చిన కస్టమర్‌కు షాక్ తగిలింది. నందిపేట్‌కు చెందిన ఓ వ్యక్తి కుటుంబ సభ్యులతో కలిసి సోమవారం బిర్యానీ తినేందుకు రెస్టారెంట్‌ కు వచ్చారు. అనంతరం బిర్యానీ ఆర్డర్ ఇచ్చాడు. బిర్యానీ తింటుండగా కోడి ఈకలు కనిపించడంతో కంగుతిన్నాడు. వెంటనే సదరు కస్టమర్‌ మున్సిపల్‌ అధికారులకు ఫిర్యాదు చేశాడు. దీంతో అధికారులు హోటల్‌ లో తనిఖీ చేసి యాజమాన్యానికి రూ. 5వేల జరిమానా విధించారు. కాగా సదరు హోటల్‌కు గతంలోనూ మున్సిపల్‌ అధికారులు జరిమానా విధించారు.
