అక్షరటుడే, నిజామాబాద్‌రూరల్‌: నగర శివారులో గల స్టార్ హోటల్‌పై పోలీసులు దాడి చేశారు. బుధవారం రాత్రి హోటల్‌ లో సోదాలు నిర్వహించి పలువురిని అదుపులోకి తీసుకున్నారు. హైటెక్ వ్యభిచారం నడుస్తుందనే పక్కా సమాచారంతో దాడి చేసి 13 మందిని అదుపులోకి తీసుకుని డిచ్ పల్లి పోలీస్‌స్టేషన్‌కు తరలించారు. వీరిలో ఐదుగురు మహిళలు ఉన్నారు. అలాగే పట్టుబడిన ఎనిమిది మందిలో ఖాందేశ్‌ అశోక్‌, నల్ల శ్రీనివాస్‌, ముస్కు రాజా, కుంట లింగన్న, సామ గంగాధర్‌, అలల లింగారెడ్డి, సింగిరెడ్డి భరత్‌, వుంతూరు మధుసూదన్ ఉన్నట్లు సీపీ కార్యాలయ వర్గాలు అధికారిక ప్రకటన విడుదల చేశాయి. అలాగే వీరి వద్ద నుంచి 13 సెల్‌ఫోన్లు, రూ. 38,760 నగదు స్వాధీనం చేసుకున్నారు.
