అక్షరటుడే, నిజామాబాద్ నగరం: నిజామాబాద్ నగర శివారులోని ముబారక్ నగర్ పరిధిలో దొంగలు భీభత్సం సృష్టించారు. తాళాలు వేసిన రెండు ఇళ్ళలో చోరీకి పాల్పడ్డారు. కస్తూరి గార్డెన్ కాలనీలో నివాసం ఉండే ధనలక్ష్మి తల్లి ఇటీవల మృతి చెందగా ఆమె ఇంటికి తాళం వేసి కంటేశ్వర్ లో ఉంటోంది. వీరి ఇంట్లో చొరబడిన దొంగలు 5 తులాల బంగారు నగలు అపహరించుకెళ్ళారు. ముబారక్ నగర్ పరిధిలో నివాసం ఉండే రాజగంగు ఇంట్లో చోరికి పాల్పడిన దొంగలు 5 తులాల బంగారం, రూ.1.20 లక్షల నగదు అపహరించుకెళ్ళారు.
