అక్షరటుడే, వెబ్‌డెస్క్‌: టీజీపీఎస్సీ–2017నోటిఫికేషన్‌కు సంబంధించి పీఈటీ పోస్టుల భర్తీ ప్రకియ త్వరలోనే చేస్తామని టీపీసీసీ అధ్యక్షుడు మహేశ్‌కుమార్‌ గౌడ్‌ అన్నారు. ఈ మేరకు శనివారం గాంధీభవన్‌లో తనను ఉద్యోగార్థులు ఆయన్ను కలిసి విన్నవించగా.. వారికి హామీ ఇచ్చారు. 2017లో గత ప్రభుత్వం 616 పీఈటీ పోస్టుల భర్తీకి పరీక్షలు నిర్వహించినా, ఫలితాలు ప్రకటించలేదని వారు ఆయన దృష్టికి తెచ్చారు. ప్రస్తుత కాంగ్రెస్‌ ప్రభుత్వం ఈనెల 19న ఫలితాలు వెలువరించి, మెరిట్‌ జాబితా ప్రకటించిందన్నారు. భర్తీ ప్రక్రియ త్వరగా పూర్తి చేయాలని కోరారు. దీంతో ఆయన స్పందించి సంబంధిత అధికారులతో మాట్లాడి దసరాలోపు పరిష్కరిస్తానని హామీ ఇచ్చారు.
