అక్షరటుడే, వెబ్‌డెస్క్‌: తుక్కుగూడలో రాహుల్‌ గాంధీ హామీ ఇచ్చిన వీడియోను ఎక్స్‌ వేదికగా కేటీఆర్‌ పోస్ట్‌ చేస్తూ మూసీ ప్రాజెక్టు బాధితులను మీరు కలవాలని సూచించారు. ‘ప్రియమైన రాహుల్‌ గాంధీ.. మీ సీఎం బుల్డోజర్‌ రాజకీయాలకు వ్యతిరేకంగా తెలంగాణ ప్రజల గళం మీకు వినిపిస్తుందా’.. అని ప్రశ్నించారు. తెలంగాణలో యువత, ప్రజలు, ఆఖరకు చిన్నారి పిలిచినా వస్తానని వాగ్దానం చేశారని గుర్తుచేశారు. ‘రాహుల్‌ గాంధీ మాట మీద నిలబడండి, వాస్తవాన్ని చూడండి, మూసీ ప్రాజెక్టు బాధితులను కలవండి’ అని కేటీఆర్‌ రాహుల్‌ గాంధీకి ఎక్స్‌వేదికగా సూచనలు చేశారు. కాగా ఇందుకు సంబంధించిన వీడియో వైరల్‌ అవుతోంది.
