అక్షరటుడే, ఎల్లారెడ్డి : ఎల్లారెడ్డి మున్సిపల్‌ ఛైర్మన్‌గా పద్మ శ్రీకాంత్‌ ఏకగ్రీవంగా ఎన్నికయ్యారు. ఆర్డీవో మన్నె ప్రభాకర్‌ ఆధ్వర్యంలో గురువారం ఛైర్మన్‌ ఎన్నిక నిర్వహించారు. మున్సిపల్‌ కౌన్సిల్‌లో మొత్తం 12 మంది సభ్యులుండగా.. ఎనిమిది కౌన్సిలర్లు, ఎక్స్‌ అఫీషియో హోదాలో ఎమ్మెల్యే మదన్‌ మోహన్‌రావు హాజరయ్యారు. కాగా.. బీఆర్‌ఎస్‌కు చెందిన నలుగురు కౌన్సిలర్లు హాజరుకాలేదు. దీంతో కాంగ్రెస్‌ కౌన్సిలర్లు పద్మ శ్రీకాంత్‌ను ఏకగ్రీవంగా ఎన్నుకున్నారు. అనంతరం ఆయనను ఎమ్మెల్యే సన్మానించారు. అయితే పద్మ శ్రీకాంత్‌ ఇటీవలే బీఆర్‌ఎస్‌ నుంచి కాంగ్రెస్‌లో చేరిన విషయం తెలిసిందే.
