అక్షరటుడే, కామారెడ్డి: జాతీయ రహదారి పక్కన ఉన్న దాబాలపై మంగళవారం రాత్రి జిల్లా పోలీసులు తనిఖీలు చేశారు. జాతీయ రహదారి పక్కన ఉన్న తొమ్మిది దాబాలలో మద్యం సిట్టింగులు నిర్వహిస్తుండడంతో పక్కా సమాచారంతో దాడులు జరిపారు. ఈ సమయంలో మద్యం సేవిస్తూ పలువురు పట్టుబడ్డారు. జిల్లాలోని పొందుర్తి చౌరస్తా వద్ద గల న్యూ శరన్ దాబా, ప్రవీణ్ దాబా-దోమకొండ, మణికంఠ దాబా- పెద్ద మల్లారెడ్డి, నారా గౌడ్ దాబా, ఆదిత్య దాబా-లింగంపేట, ఎస్ఆర్ దాబా-గాంధారి, రూట్ 36 దాబా పెద్దకొడప్ గల్, రూట్ 36 దాబా-బిచ్కుంద, ప్యారడైజ్ దాబాలపై కేసులు నమోదు చేసినట్లు పోలీసులు పేర్కొన్నారు. దాడులు నిరంతరం కొనసాగుతాయని, దాబాలలో సిట్టింగులు నిర్వహిస్తే చర్యలు తప్పవని హెచ్చరించారు. అయితే వీరికి స్థానిక పోలీసులే అండదండలు అందిస్తున్నారని జిల్లా ఎస్పీకి ఫిర్యాదులు వెళ్లగా.. ఈ మేరకు దాడులు చేయించినట్లు సమాచారం.
