అక్షరటుడే, జుక్కల్: సోయా కొనుగోలు కేంద్రంలో రైతులకు ఇబ్బందులు తలెత్తకుండా నిర్వాహకులు చర్యలు తీసుకోవాలని జుక్కల్ ఎమ్మెల్యే తోట లక్ష్మీ కాంతారావు సూచించారు. సోమవారం మద్నూర్ లో మాజీ సర్పంచ్ వేద్ పటేల్ నివాసానికి వెళ్లి ఆయనకు దసరా శుభాకాంక్షలు తెలిపారు. అనంతరం మార్కెట్ యార్డులో నిర్వహిస్తున్న సోయా కొనుగోలు కేంద్రాన్ని పరిశీలించారు. రైతులతో మాట్లాడి కొనుగోలు కేంద్రంలో ఇబ్బందులుంటే తన దృష్టికి తేవాలన్నారు. ఆయన వెంట నాయకులు, తదితరులున్నారు.
