అక్షర టుడే, జుక్కల్‌ : జెడ్పీహెచ్‌ఎస్‌ పెద్దరాంపూర్‌ కాంప్లెక్స్‌ స్కూల్‌ పరిధిలోని బండపల్లి, బొల్లక్‌పల్లి, మద్దెల చెరువు పాఠశాలలను కాంప్లెక్స్‌ హెచ్‌ఎం శ్రీలత మంగళవారం సందర్శించారు. ఈ సందర్భంగా పాఠశాలల్లో నిర్వహిస్తున్న ఎస్‌ఏ పరీక్షల నిర్వహణపై వివరాలు అడిగి తెలుసుకున్నారు. విద్యార్థులను ప్రశ్నలు అడిగి అభ్యసన సామర్థ్యాలు పరిశీలించారు. విద్యార్థుల మార్కులు ఆన్‌లైన్‌లో నమోదు చేయాలని, యూడైస్‌లో ప్రొఫైల్‌ అప్‌డేట్‌ చేయాలని సూచించారు. కార్యక్రమంలో ఆయా పాఠశాలల హెచ్‌ఎంలు గోపి, లక్ష్మి, తదితరులున్నారు.
