అక్షరటుడే, వెబ్‌డెస్క్‌ : పుష్ప – 2 సినిమాను డిసెంబర్‌ 5 విడుదల చేయబోతున్నట్లు నిర్మాతలు ఈరోజు జరిగిన ప్రెస్‌మీట్‌లో వెల్లడించారు. సుకుమార్‌ దర్శకత్వంలో రానున్న ఈసినిమాలో హీరోగా అల్లు అర్జున్‌, హీరోయిన్‌గా రష్మికగా నటిస్తున్నారు. మైత్రీ మూవీ మేకర్స్‌ బ్యానర్‌పై ఈసినిమాను భారీ బడ్జెట్‌తో తెరకెక్కిస్తున్నారు. అల్లు అర్జున్‌ ఎక్స్‌వేదికగా ఓ పోస్టర్‌ను విడుదల చేస్తూ ఒకరోజు ముందుగానే సెలబ్రెషన్స్‌ స్టార్ట్‌ కాబోతున్నాయని తెలిపారు. బాక్సాఫీస్‌ వద్ద బాణసంచా ముందుగానే పేల్చివేయబడుతుందన్నారు. ఒకరోజు ముందే రికార్డుల వేట, పుష్పరాజ్‌ పాలన ప్రారంభం కానుంది అనే క్యాప్షన్‌ జత చేశారు.
