అక్షరటుడే, వెబ్‌డెస్క్‌: తెలంగాణ యూనివర్సిటీ వీసీ యాదగిరిరావును యూనివర్సిటీ పూర్వ విద్యార్థుల సంఘం అధ్యక్షుడు పంచరెడ్డి చరణ్ సన్మానించారు. శనివారం యూనివర్సిటీలో వీసీని కలిసి వర్సిటీలో నెలకొన్న సమస్యలను వివరించారు. బాలికల హాస్టల్స్ నిర్మించాలని, నూతన కోర్సును ప్రవేశపెట్టాలని కోరారు. యూనివర్సిటీ అభివృద్ధికి పూర్వ విద్యార్థుల సంఘం తరఫున సహకారం అందిస్తామన్నారు. కార్యక్రమంలో రిజిస్టర్ యాదగిరి, తెలంగాణ విద్యార్థి వేదిక రాష్ట్ర వర్కింగ్ ప్రెసిడెంట్ లాల్ సింగ్, నిజామాబాద్ మార్కెట్ కమిటీ డైరెక్టర్ నరేందర్ పాల్గొన్నారు.
