అక్షరటుడే, వెబ్‌డెస్క్‌ : శబరిమల వెళ్లే అయ్యప్ప స్వాములకు కేంద్ర విమానయాన శాఖ మంత్రి రామ్మోహన్‌ నాయుడు గుడ్‌ న్యూస్‌ చెప్పారు. ఇరుముడితో శబరిమలై వెళ్లే అయ్యప్ప స్వాముల కోసం పౌర విమానయాన శాఖ నిబంధనలు సడలింపు చేసినట్లు ఆయన పేర్కొన్నారు. సెక్యూరిటీ స్కానింగ్‌ అనంతరం భక్తులు పవిత్రమైన ఇరుముడితో నేరుగా విమాన క్యాబిన్‌ లోనే ప్రయాణించవచ్చని తెలిపారు. మండలం నుంచి మకర జ్యోతి దర్శనం(జనవరి 20) వరకు కల్పించిన ఈ అవకాశాన్ని స్వాములు వినియోగించుకోవాలని.. దీంతో పాటు భద్రతా సిబ్బందికి సహకరించాలని ఆయన కోరారు.
