అక్షరటుడే, ఎల్లారెడ్డి: ఆర్థిక ఇబ్బందులు తాళలేక మనస్థాపానికి గురై ఒకరు ఉరేసుకొని ఆత్మహత్యకు పాల్పడిన ఘటన ఎల్లారెడ్డి మండలంలో చోటుచేసుకుంది. స్థానికులు తెలిపిన వివరాల ప్రకారం.. దాల్ మల్కపల్లికి చెందిన నేరేడుపల్లి సతీశ్(28) ఆర్థిక ఇబ్బందుల కారణంగా ఆదివారం రాత్రి గ్రామ సమీపంలో చెట్టుకు ఉరేసుకొని ఆత్మహత్యకు పాల్పడ్డాడు. సతీశ్ నిజాంసాగర్ మండలం నర్వ గ్రామానికి చెందిన వాడు కాగా.. దాల్ మల్కపల్లికి ఇల్లరికం వచ్చినట్లు స్థానికులు తెలిపారు. మృతుడికి ఇద్దరు పిల్లలు ఉన్నారు.
