అక్షరటుడే, వెబ్‌డెస్క్‌ : అమెరికా అధ్యక్ష ఎన్నికల్లో విజయం సాధించి తాను అధికారంలోకి వస్తే దేశంలో సరికొత్త అద్భుతాన్ని సృష్టిస్తానని అమెరికా మాజీ అధ్యక్షుడు, రిపబ్లికన్‌ పార్టీ అభ్యర్థి డోనాల్డ్‌ ట్రంప్‌ అన్నారు. మిచిగాన్‌లోని డెట్రాయిట్‌లో జరిగిన ప్రచార ర్యాలీలో ఆయన మాట్లాడారు. ఆర్థిక విధానాల్లో డెమోక్రటిక్‌ అభ్యర్థి కమలాహారిస్‌ పూర్తిగా వైఫల్యం చెందారని విమర్శించారు. ఇటీవల ప్రైవేటు రంగంలో 30 వేలు, తయారీ రంగంలో 50 వేల ఉద్యోగాలు కోల్పోయామని పేర్కొన్నారు.
