అక్షరటుడే, వెబ్‌డెస్క్‌ : కార్తీక మాసం సందర్బంగా శైవక్షేత్రాలకు వెళ్లే భక్తుల కోసం ప్రత్యేక బస్సులను ఏర్పాటు చేస్తున్నట్లు టీజీఎస్‌ ఆర్టీసీ ఎండీ సజ్జనార్‌ తెలిపారు. శ్రీశైలం, వేములవాడ, ధర్మపురి, కీసరగుట్ట తదితర దేవాలయాలకు హైదరాబాద్‌ నుంచి స్పెషల్‌ బస్సులను నడుపుతున్నామని పేర్కొన్నారు. ఆర్టీసీకి కార్తీకమాసం, శబరిమల ఆపరేషన్స్‌ కీలకమని, భక్తులకు ఇబ్బందులు లేకుండా చర్యలు తీసుకోవాలని అధికారులకు సూచించారు. భక్తులు ముందస్తు రిజర్వేషన్‌ను tgsrtcbus.in వెబ్‌సైట్‌ లో చేసుకోవాలని తెలిపారు. మరిన్ని వివరాలకు ఆర్టీసీ కాల్‌సెంటర్‌ నంబర్లు 040-69440000, 040-23450033 సంప్రదించాలన్నారు.
