అక్షరటుడే, నిజామాబాదు సిటీ : జిల్లాకు చెందిన ఉర్దూ జర్నలిస్ట్‌ అహ్మద్‌ అలీఖాన్‌ను ప్రతిష్టాత్మక మహబూబ్‌ హుస్సేన్‌ జిగర్‌ లైఫ్‌ టైం అచీవ్‌మెంట్‌ అవార్డు వరించింది. ఈ మేరకు సోమవారం మౌలానా అబుల్‌ కలాం ఆజాద్‌ జయంతి సందర్భంగా హైదరాబాద్‌లోని రవీంద్రభారతిలో రాష్ట్ర ఉర్దూ అకాడమీ ఆధ్వర్యంలో నిర్వహించిన కార్యక్రమంలో సీఎం రేవంత్‌రెడ్డి చేతులమీదుగా అవార్డును అందుకున్నారు. కార్యక్రమంలో రాష్ట్ర ప్రభుత్వ సలహాదారు షబ్బీర్‌ అలీ, మంత్రి పొన్నం ప్రభాకర్, రాష్ట్ర ఉర్దూ అకాడమీ ఛైర్మన్ తాహెర్‌ బిన్‌ హందాన్‌ ఉన్నారు.
