అక్షరటుడే, జుక్కల్: అక్రమంగా ఇసుక రవాణా చేస్తున్న వాహనాలను పట్టుకొని సీజ్ చేసినట్లు బిచ్కుంద ఎస్సై మోహన్ రెడ్డి తెలిపారు. బిచ్కుంద మండలంలోని కథగావ్ గ్రామ శివారులోని మంజీరా వాగు నుంచి ప్రకాష్, శేషారావు టాటా ట్రక్ వాహనంలో అక్రమంగా ఇసుక రవాణా చేస్తున్నారు. సమాచారం అందుకున్న బిచ్కుంద పోలీసులు వాహనాలను పట్టుకున్నారు. కేసు నమోదు చేసి విచారణ చేపడుతున్నట్లు ఎస్సై తెలిపారు.
