అక్షరటుడే, నిజామాబాద్ రూరల్: స్టేట్ బ్యాంకు గ్రామీణ స్వయం ఉపాధి శిక్షణ సంస్థ ఆధ్వర్యంలో డిచ్ పల్లి టీటీడీసీలో ఉచిత శిక్షణ ఇవ్వనున్నట్లు సంస్థ డైరెక్టర్ సుంకం శ్రీనివాస్ తెలిపారు. సెల్ ఫోన్ రిపేర్, హౌస్ వైరింగ్, సీసీ టీవీ ఇన్ స్టాలేషన్ వంటి కోర్సుల్లో ఉచిత శిక్షణతో పాటు భోజనం, హాస్టల్ వసతి కల్పిస్తున్నట్లు ఆయన పేర్కొన్నారు. 19 నుంచి 45 సంవత్సరాలోపు వారు అర్హులన్నారు. ఉమ్మడి నిజామాబాద్ జిల్లాలోని గ్రామీణ ప్రాంత యువకులు దరఖాస్తు చేసుకోవాలని ఆయన కోరారు. పూర్తి వివరాలకు 08461- 295428 నంబర్ ను సంప్రదించాలని సూచించారు.
