అక్షరటుడే, నిజామాబాద్‌ రూరల్‌: యూనివర్సిటీని గాడిలో పెట్టాల్సిన అవసరం ఎంతైనా ఉందని ఎంఎస్‌ఎఫ్‌ జిల్లా అధ్యక్షుడు దినేశ్‌ మాదిగ పేర్కొన్నారు. శుక్రవారం తెయూలో వీసీ యాదగిరిరావుకు పలు సమస్యలతో కూడిన వినతిపత్రాన్ని అందజేశారు. ఇంజినీరింగ్‌ కళాశాలను వర్సిటీ క్యాంపస్‌లోనే ఏర్పాటు చేయలన్నారు. కౌన్సెలింగ్‌లో మిగిలిపోయిన సీట్లకు స్పాట్‌ అడ్మిషన్లు నిర్వహించాలన్నారు. బాలికలకు మరొక హాస్టల్‌ను ఏర్పాటు చేయాలన్నారు. సారంగపూర్‌ బీఈడీ కళాశాలపై దృష్టి సారించాలన్నారు. యూనివర్సిటీ భూములను కాపాడాలని కోరారు. కార్యక్రమంలో ఎంఎస్‌ఎఫ్‌ నాయకులు సైమన్‌ పాల్‌,నవీన్‌ మాదిగ, నరేశ్‌, శేఖర్‌ తదితరులు పాల్గొన్నారు.
