అక్షరటుడే, వెబ్ డెస్క్: పార్లమెంట్ ఎన్నికల వేళ నిజామాబాద్ ఆర్బన్ లో గులాబీ పార్టీకి వరుస షాక్ లు తగులుతున్నాయి. మంగళవారం ఉదయం ఆ పార్టీకి చెందిన కార్పొరేటర్ లావణ్యతో పాటు పలువురు కాంగ్రెస్ కండువా కప్పుకున్నారు. ఆ వెంటనే మరో కార్పొరేటర్ కోమల్ కాంగ్రెస్ గూటికి చేరారు. రాష్ట్ర ప్రభుత్వ సలహాదారు షబ్బీర్ అలీ, ఎంపీ అభ్యర్థి జీవన్ రెడ్డి సమక్షంలో పార్టీ తీర్థం పుచ్చుకున్నారు. ఆమెతో పాటు పూలాంగ్ ప్రాంతానికి చెందిన మైనార్టీ నాయకుడు అక్బర్ పలువురు గులాబీ నాయకులు కాంగ్రెస్ పార్టీలో చేరారు.
