అక్షరటుడే, జుక్కల్‌: కాంగ్రెస్ పార్టీ గెలుపే లక్ష్యంగా నాయకులు పనిచేయాలని జుక్కల్‌ ఎమ్మెల్యే తోట లక్ష్మీకాంతరావు అన్నారు. బుధవారం తన క్యాంపు కార్యాలయంలో సీనియర్ నేత సుభాష్‌రెడ్డితో కలిసి నాయకులతో సమావేశం నిర్వహించారు. ఈ సందర్భంగా ఆయన మాట్లాడుతూ ఎన్నికలు సమీపిస్తున్న నేపథ్యంలో ప్రచారం మరింత ముమ్మరం చేయాలని సూచించారు. ప్రతి గడపకు వెళ్లి కాంగ్రెస్ ప్రభుత్వ పథకాలను వివరించాలన్నారు. కార్యక్రమంలో నాయకులు జయప్రదీప్‌, నాయకులు మల్లికార్జున్‌, రవీందర్‌ రెడ్డి, మల్లయ్య గారి ఆకాశ్‌, గంగి రమేశ్‌, సవైసింగ్‌, శ్రీనివాస్‌ రెడ్డి పాల్గొన్నారు.
