అక్షరటుడే, బాన్సువాడ: మండలంలోని కృష్ణానగర్ తండా అటవీ ప్రాంతంలో ఓ మహిళ(35) మృతదేహాన్ని పోలీసులు గుర్తించారు. మృతురాలి ఒంటిపై గులాబీ రంగు చీర, బంగారు కలర్ జాకెట్, నలుపు రంగు స్కార్ఫ్ ధరించి ఉందని తెలిపారు. అయితే మహిళది ఆత్మహత్యనా.. లేక ఎవరైనా హత్య చేసి అడవిలో పడేసి ఉంటారా అనే అనుమానాలు వ్యక్తమవుతున్నాయి. ఎవరైనా మహిళను గుర్తించినట్లయితే వెంటనే సమాచారం ఇవ్వాలని బాన్సువాడ రూరల్ సీఐ సత్యనారాయణ గౌడ్ కోరారు.
