యువకుడికి కృత్రిమ పురుషాంగం అమర్చిన వైద్యులు

అక్షరటుడే, వెబ్​డెస్క్​: హైదరాబాద్​ వైద్యులు అద్భుతం చేశారు. ఓ యువకుడికి కృత్రిమ పురుషాంగం అమర్చి కొత్త జీవితం ప్రసాదించారు. సోమాలియాకు చెందిన ఓ యువకుడికి నాలుగేళ్ల వయస్సులో సున్తీ చేసినప్పుడు ఇన్​ఫెక్షన్​ సోకింది. దీంతో పురుషాంగం తొలగించారు. మాదాపూర్​లోని మెడికవర్​ హాస్పిటల్​ వైద్యులు ల్యాబ్​లో తయారు చేసిన పురుషాంగాన్ని ఏడాది క్రితం ఆ యువకుడికి అమర్చారు. ప్రస్తుతం ఆ యువకుడికి అంగస్తంభన కోసం తాజాగా పిలైన్ ఇంప్లాంట్ చేసినట్లు వైద్యులు తెలిపారు. యువకుడు పూర్తిగా కోలుకున్నట్లు చెప్పారు.