బంజారాలను ఏకం చేసిన మహనీయుడు

అక్షరటుడే, ఇందూరు: సేవాలాల్​ మహరాజ్ బంజారా జాతిని ఏకం చేసిన మహనీయుడని అర్బన్​ ఎమ్మెల్యే ధన్​పాల్​ సూర్యనారాయణ అన్నారు. బీజేపీ గిరిజన మోర్చా ఆధ్వర్యంలో శనివారం ఇంద్రపూర్​లోని సంతోష్ నగర్​లో సేవాలాల్ జయంతి ఘనంగా నిర్వహించారు. ఎమ్మెల్యే మాట్లాడుతూ.. హిందూ ధర్మ రక్షణలో సేవాలాల్ చేసిన కృషి మరువలేనిదని కొనియాడారు. కార్యక్రమంలో జిల్లా అధ్యక్షుడు దినేష్ కులాచారి, ఉపాధ్యక్షుడు లక్ష్మీనారాయణ, సుందర్ సింగ్ రాథోడ్, నాగరాజు, నారాయణ, ప్రభాకర్, కిరణ్, సాయినాథ్ పాల్గొన్నారు.