అక్షరటుడే, వెబ్‌డెస్క్‌: ఆంధ్రప్రదేశ్‌ ముఖ్యమంత్రిగా నారా చంద్రబాబు నాయుడు బుధవారం ప్రమాణ స్వీకారం చేశారు. కృష్ణా జిల్లా కేసరపల్లిలో అట్టహాసంగా నిర్వహించిన కార్యక్రమంలో గవర్నర్‌ అబ్దుల్‌ నజీర్‌ చంద్రబాబు నాయుడితో ప్రమాణ స్వీకారం చేయించారు. అలాగే మంత్రిగా పవన్‌ కల్యాణ్‌, నారా లోకేశ్‌తో పాటు మరో 22 మంది ప్రమాణం చేశారు. ఈ కార్యక్రమానికి ముఖ్య అతిథిగా ప్రధాని నరేంద్ర మోదీ, అతిథులుగా కేంద్ర మంత్రులు అమిత్‌షా, జేపీ నడ్డా, గడ్కరీ, చిరాగ్‌ పాశ్వాన్‌, అనుప్రియ పటేల్‌, మహారాష్ట్ర సీఎం ఏక్‌నాథ్‌ షిండే, తెలంగాణ మాజీ గవర్నర్‌ తమిళిసై సౌందర రాజన్‌, రజనీకాంత్‌, చిరంజీవి, బాలకృష్ణ, మాజీ సీజేఐ ఎన్వీ రమణ, సినీ, రాజకీయ ప్రముఖులు హాజరయ్యారు.
