అక్షరటుడే, ఆర్మూర్: బీరు బాటిల్‌తో ఓ యువకుడి గొంతు కోసిన ఘటన ఆర్మూర్ పట్టణంలో చోటుచేసుకుంది. బీహార్‌కు చెందిన సోనుకుమార్‌పై ఆర్మూర్‌లోని సిద్దుల గుట్ట ప్రాంతంలో దుండగులు శనివారం బీర్‌ బాటిళ్లతో దాడి చేసి గొంతు కోయగా తీవ్ర గాయాలతో జాతీయ రహదారిపై నడుచుకుంటూ వచ్చాడు. గమనించిన స్థానికులు 108 కు సమాచారం ఇచ్చారు. సిబ్బంది అంబులెన్స్‌లో క్షతగాత్రుడిని జిల్లా కేంద్రంలోని ప్రభుత్వ ఆస్పత్రికి తరలించారు. ప్రస్తుతం సోనుకుమార్‌ పరిస్థితి విషమంగా ఉంది. అయితే దాడికి సంబంధించిన పూర్తి వివరాలు తెలియాల్సి ఉంది.
