TGNPDCL NIZAMABAD | విద్యుత్​ వినియోగదారుల సమస్యలు పరిష్కరిస్తాం

అక్షరటుడే, ఇందూరు: TGNPDCL NIZAMABAD | జిల్లాలో విద్యుత్​ వినియోగదారుల సమస్యలను పరిష్కరిస్తామని టీజీఎన్పీడీసీఎల్ వినియోగదారుల ఛైర్మన్​ నారాయణ పేర్కొన్నారు. నగరంలోని పవర్​హౌజ్​లో టౌన్​-1 సబ్​డివిజన్​ పరిధిలో సమస్యల పరిష్కార వేదిక కార్యక్రమాన్ని నిర్వహించారు.

ఈ సందర్భంగా వర్ని చౌరస్తాలో ఇనుప స్తంభం కారణంగా ఇబ్బందులు వస్తున్నాయని, తక్షణమే మార్చాలని వినియోగదారులు కృపాల్​సింగ్​, రామకృష్ణ కోరారు. వెంటనే సమస్య పరిష్కరించాలని ఛైర్మన్ అధికారులను ఆదేశించారు. కార్యక్రమంలో వినియోగదారుల పరిష్కార వేదిక టెక్నికల్​ మెంబర్ రామకృష్ణ, కిషన్​, రాజారెడ్డి, టీజీ ఎన్పీడీసీఎల్​ డీఈ​ శ్రీనివాస్​, ఏడీఈ టౌన్​–1 చంద్రశేఖర్​, అసిస్టెంట్​ అకౌంట్స్​ ఆఫీసర్​ మంగ్యానాయక్​, ఏఈ డీ–1 నగేశ్​ తదితరులు పాల్గొన్నారు.