అక్షరటుడే, వెబ్డెస్క్ : Rithu Chowdary | బెట్టింగ్ యాప్స్(Betting apps) ప్రమోటర్లకు కేసుల భయం పట్టుకుంది. ఆర్టీసీ ఎండీ, ఐపీఎస్ సజ్జనార్(Sajjanar) బెట్టింగ్ యాప్లపై అవగాహన కల్పించడంతో పాటు, ప్రమోట్ చేస్తున్న వారిపై చర్యలు తీసుకోవాలని ఇటీవల పోస్టులు పెట్టారు. దీంతో పోలీసులు సైతం స్పందించి బెట్టింగ్ యాప్స్ ప్రమోట్ చేస్తున్న సోషల్ మీడియా ఇన్ఫ్లూయెన్సర్లపై కేసులు పెడుతున్నారు. దీంతో గతంలో బెట్టింగ్ యాప్స్ ప్రమోట్ చేసిన వారు భయపడుతున్నారు. ఎక్కడ తమ మెడకు కేసులు చుట్టుకుంటాయోనని ముందుగానే సారి చెబుతూ.. వీడియోలు పోస్టు చేస్తున్నారు.
Rithu Chowdary | బెట్టింగ్ యాప్లకు దూరంగా ఉండండి
గతంలో బెట్టింగ్ యాప్ ప్రమోట్ చేసిన సినీ నటి రీతూ చౌదరి తాజాగా క్షమాపణలు చెబుతూ వీడియో రిలీజ్ చేశారు. తను ఏడాదిన్నర క్రితం తెలిసో, తెలియకో బెట్టింగ్ యాప్స్ ప్రమోట్ చేశానన్నారు. తాజాగా ఆ వీడియో వైరల్ కావడంతో స్పందిస్తున్నట్లు చెప్పారు. బెట్టింగ్ యాప్ ప్రమోట్ చేసినందుకు క్షమాపణ చెప్పారు. సెలబ్రెటీలు, ఇన్ఫ్లూయెన్సర్ల మాటలు నమ్మి బెట్టింగ్ జోలికి వెళ్లొద్దని ఈ భామ కోరింది. ఎవరి ఫోన్లలోనైనా ఈ యాప్స్ ఉంటే వెంటనే డిలీట్ చేయాలని సూచించింది.
Rithu Chowdary | ఇద్దరిపై కేసు నమోదు
బెట్టింగ్ యాప్ ప్రమోట్ చేసిన విషయంలో సోషల్ మీడియా ఇన్ఫ్లూయెన్సర్ భయ్యా సన్నీ యాదవ్(Sunny Yadav), యూట్యూబర్ హర్షసాయి(Harsha sai)పై పోలీసులు కేసులు నమోదు చేశారు. వారి కోసం గాలిస్తున్నారు. ఈ క్రమంలో మిగతా ప్రమోటర్లు క్షమాపణ చెబుతున్నారు. నటి సురేఖవాణి కూతురు హీరోయిన్ సుప్రీత(Supreetha) సారీ చెప్పిన మరుసటి రోజే.. రీతూ చౌదరి సైతం క్షమాపణ చెప్పారు.
