Indur Tirumala | బ్రహ్మోత్సవాలకు ముస్తాబైన ఇందూరు తిరుమల

అక్షరటుడే, నిజామాబాద్​ సిటీ : Indur Tirumala |మోపాల్​ మండలం నర్సింగ్​పల్లిలో కొలువైన ఇందూరు తిరుమలలో(Narsingpalli indur tirumala) బ్రహ్మోత్సవాలను(Brahmostavalu) వైభవంగా నిర్వహించడానికి ఏర్పాట్లు చేశారు. ఈ నెల 20 నుంచి 26 వరకు త్రిదండి రామానుజ చిన్న జీయర్​ స్వామి సూచనలతో దేవనాథ రామానుజ స్వామి, గంగోత్రి ఆచార్య రామానుజదాసు స్వామి పర్యవేక్షణలో ఉత్సవాలు నిర్వహిస్తున్నట్లు ఆలయ ధర్మకర్తలు నర్సింహారెడ్డి, దిల్​రాజ్​ తెలిపారు. భక్తులు అధిక సంఖ్యలో హాజరై విజయవంతం చేయాలని కోరారు.

Indur Tirumala | ఉత్సవాల్లో భాగంగా కార్యక్రమాలు

• ఈ నెల 20న సాయంత్రం బ్రహ్మోత్సవాలకు అంకురార్పణ చేస్తారు.
• 21న ఉదయం ధ్వజారోహణం, గరుడ ప్రసాదం, యాగశాలలో అగ్ని ప్రతిష్ఠ, హవణం, సాయంత్రం శేషవాహన సేవ నిర్వహిస్తారు.
• 22న ఉదయం సూర్యప్రభ వాహన సేవ, సాయంత్రం చంద్రప్రభ వాహన సేవ, గజవాహన సేవ, ఎదురుకోలు.
• 23న శ్రీవారి కల్యాణం వైభవంగా నిర్వహిస్తారు. సాయంత్రం స్వామి వారి రథోత్సవం ఉంటుంది.
• 24న నిత్య పూర్ణాహుతి, అశ్వ వాహనసేవ, దీపోత్సవం.
• 25న మహా పూర్ణాహుతి, శ్రీ చక్ర స్నానం, సాయంత్రం హంస వాహన సేవ, పుష్పయాగం నిర్వహిస్తారు.
• 26న స్వామి వారి ఉత్సవానంతర స్థాపన, విశేష పూర్ణాభిషేకం ఉంటాయి.