అక్షరటుడే, వెబ్డెస్క్ : Betting Apps | బెట్టింగ్ యాప్ కేసులో పోలీసులు(Police) దూకుడు పెంచారు. బృందాలుగా ఏర్పడిన పోలీసులు కేసుతో సంబంధం ఉన్న ఏ ఒక్కరినీ వదిలి పెట్టకుండా వ్యవహరిస్తున్నారు.
బెట్టింగ్ యాప్లను ప్రమోట్ చేసిన పలువురు హీరోలు, హీరోయిన్లు, నటులతో పాటు సోషల్ మీడియా ఇన్ఫ్లూయెన్సర్లపై ఇప్పటికే కేసులు నమోదు చేసిన విషయం తెలిసిందే. ఇందులో భాగంగా పలు బెట్టింగ్ యాప్ నిర్వాహకులపై కూడా పోలీసులు కేసులు నమోదు చేశారు. తాజాగా సినీ యాక్టర్స్‌(Actors) ప్రమోట్ చేసిన బెట్టింగ్ యాప్(Betting apps)లను గుర్తించారు.
జంగిల్‌ రమ్మి యాప్ కోసం రాణ్, ప్రకాష్‌రాజ్‌, ఏ23 యాప్ కోసం విజయ్‌ దేవరకొండ, యోలో 247 కోసం మంచు లక్ష్మి, ఫెయిర్‌ ప్లే లైవ్‌ కోసం హీరోయిన్‌ ప్రణీత, జీట్‌విన్‌ యాప్ కోసం నిధి అగర్వాల్‌, ఆంధ్ర 365 యాప్ కోసం యాంకర్ శ్యామల ప్రమోట్ చేసినట్లు గుర్తించారు.
హర్షసాయి, విష్ణుప్రియ, రీతుచౌదరి, టేస్టీ తేజ, భయ్య సన్నీలు ప్రచారం చేసిన యాప్లను గుర్తించిన పోలీసులు త్వరలో వీరిని విచారించనున్నారు. వీరి స్టేట్మెంట్ ఆధారంగా యాప్ల నిర్వాహకులపై కూడా కేసులు పెట్టాలని పోలీసులు యోచిస్తున్నారు.
