అక్షరటుడే, వెబ్డెస్క్‌ : Apple TV+ | ప్రస్తుతం అమెరికా, ఆస్ట్రేలియా, కెనడా, యూరప్ దేశాలకే పరిమితమైన యాపిల్ టీవీ+ (Apple TV+)ను ఇక భారత్లోనూ వీక్షించవచ్చు. ఈ మేరకు యాపిల్ సంస్థ అధికారికంగా ప్రకటన చేసింది.
సెవెరెన్స్ severence, ది మార్నింగ్ షో the morning show, స్లో హార్సెస్ slow horses మరియు మరెన్నో డ్రామా థ్రిల్లర్‌లతో కూడిన యాపిల్ టీవీ+ గతంలో భారత్లో వీక్షించడానికి అందుబాటులో ఉండేది కాదు. ఇటీవల అమెజాన్ ప్రైమ్(Amazon Prime) యాపిల్ టీవీ+తో ఒప్పందం చేసుకుంది. దీంతో ఇక అమెజాన్ ప్రైమ్ యూజర్లు యాడ్ ఆన్ సర్వీస్ ద్వారా యాపిల్ టీవీ+ని వీక్షించవచ్చు. దీని కోసం నెలకు రూ.99 చెల్లించాల్సి ఉంటుంది.
యాపిల్ ఆండ్రాయిడ్ యూజర్ల కోసం ఫిబ్రవరిలో Apple TV యాప్‌ను ప్రవేశపెట్టింది. దీంతో అమెజాన్ ప్రైమ్ యాపిల్తో ఒప్పందం చేసుకుంది. ఎయిర్‌టెల్ హోమ్ వై-ఫై పోస్ట్‌పెయిడ్ కస్టమర్‌లకు Apple TV+, Apple Music అందించడానికి కంపెనీ ఇటీవలే Airtelతో భాగస్వామ్యం కుదుర్చుకుంది. నెలకు రూ.999తో ప్రారంభమయ్యే ప్లాన్‌లతో హోమ్ వై-ఫై సబ్‌స్క్రైబర్‌లు Apple TV+కి యాక్సెస్‌ను పొందుతారు.
