Yellareddy | మటన్‌ కోసం వెళ్లి.. మృత్యుఒడికి..

అక్షరటుడే, ఎల్లారెడ్డి: Yellareddy | మటన్​ కోసం మార్కెట్​కు వెళ్లి తిరిగివస్తూ ఆటో ఢీకొని ఓ వృద్ధుడు మృతి చెందాడు. ఈ ఘటన గురువారం ఎల్లారెడ్డిలో చోటు చేసుకుంది. పోలీసులు తెలిపిన వివరాల ప్రకారం.. మండలంలోని సబ్దల్​పూర్​నకు చెందిన గడ్డం పోచయ్య గురువారం హోలీ సందర్భంగా మటన్‌ కోసం ఎల్లారెడ్డికి వచ్చాడు.

అనంతరం తిరిగి స్వగ్రామానికి వెళ్తుండగా గాంధీచౌక్​ వద్ద ఆటో వెనుక నుంచి ఢీకొట్టింది. దీంతో ఆయన తలకు తీవ్ర గాయాలయ్యాయి. అనంతరం క్షతగాత్రుడిని హైదరాబాద్‌కు తరలిస్తుండగా మార్గమధ్యలో మృతి చెందాడు. బాధితుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు.